जनमत पार्टीबाट मन्त्रीमा अनितादेवीले खाईन् शपथ
वि.सं.२०८० साउन २९ सोमवार ११:०३
1.5K
shares
काठमाडौं: जनमत पार्टीबाट संघीय मामिला तथा सामान्य प्रशासन मन्त्री बनेकी अनितादेवी साहले पदको शपथ खाएकी छिन् ।
आज बिहान शीतल निवासमा आयोजित समारोहमा प्रधानमन्त्री प्रचण्डको उपस्थितिमा साहलाई राष्ट्रपति रामचन्द्र पौडेलले शपथ खुवाएका हुन् ।
प्रधानमन्त्री पुष्पकमल दाहाल प्रचण्डले यसअघि आफ्नो पार्टीबाट संघीय मामिला तथा सामान्य प्रशासन मन्त्री रहेका अमनलाल मोदीलाई हटाएर जनमत पार्टीलाई सरकारमा समेटेका हुन् ।
आइतबार प्रधानमन्त्री निवास बालुवाटारमा बसेको माओवादी पदाधिकारी बैठकले मोदीलाई सरकारबाट फिर्ता बोलाउने निर्णय गरेको थियो ।
वि.सं.२०८० साउन २९ सोमवार ११:०३




















