अखबार नेपाल ट्रेन्डिङ

काठमाडौं: नेपाली कांग्रेस केन्द्रीय कार्यसम्पादन समितिको बैठक शनिबार बस्ने भएको छ । पार्टी केन्द्रीय कार्यालय सानेपामा बैठक बिहान ८:३० बजे बस्ने तय भएको छ ।

समसामयिक राजनीतिक विषयमा छलफल हुने बैठकमा पार्टीका तर्फबाट राष्ट्रपति पदको उम्मेदवार चयन लगायत विषयमा छलफल हुने बताइएको छ ।

बैठकमा केन्द्रीय कार्यसम्पादन समितिका पदाधिकारी एवं सदस्यको उपस्थितिका लागि अनुरोध गरिएको छ ।

यही फागुन २५ गते हुने राष्ट्रपति पदको निर्वाचनका लागि फागुन १३ गते उम्मेदवारी मनोनयन दर्ता तोकिएको छ ।