अखबार नेपाल ट्रेन्डिङ

काठमाडौं: प्रधानमन्त्री पुष्पकमल दाहाल ‘प्रचण्ड’ सत्ता साझेदार मध्ये सबैभन्दा ठूलो दलका अध्यक्ष नेकपा एमाले अध्यक्ष केपी शर्मा ओलीलाई भेट्न बालकोट पुगेका छन् ।

सोमबार बिहान नेपालका लागि नवनियुक्त चिनियाँ राजदूत छन् सोङबीच भेटवार्ता गरेलगत्तै प्रधानमन्त्री प्रचण्ड ओलीनिवास बालकोट पुगेका हुन् ।

सत्ता साझेदार दलले प्रधानमन्त्री प्रचण्डले विश्वासको मत लिएपनि सरकारलाई पूर्णता दिन सकेका छैनन् । प्रधानमन्त्रीको दाबी पेश गर्ने दिन प्रधानमन्त्री प्रचण्डलाई, राष्ट्रपति एमालेलाई र सभामुख माओवादी र एमालेबीच आलोपालो गर्ने सहमति भएपनि अन्य पदको बाँडफाँड हुन बाँकी रहेको छ ।

प्रचण्ड र ओलीबीच आजको भेटमा पनि सरकारको पूर्णतासँगै भेटवार्तामा शक्ति बाँडफाँट, राष्ट्रपति/उपराष्ट्रपतिको निर्वाचन, सभामुख र उपसभामुखको निर्वाचन र उम्मेदवारबारे छलफल हुनेछ । सत्ता साझेदार दलबीच विभिन्न चरणमा छलफल जारी रहेको छ ।