अखबार नेपाल ट्रेन्डिङ

काठमाडौंः उपप्रधान तथा गृहमन्त्री रवि लामिछानेले नेपाल प्रहरीको प्रधान कार्यालय नक्सालमा पुगेर सरुवा बढुवाका लागि नेताहरुको घरघरमा नजान प्रहरीलाई निर्देशन दिएका छन् ।

उनले कानून र विधिसम्मत प्रहरीको बढुवा र सरुवा हुने भन्दै सोही अनुसार आचारण देखाउन निर्देशन दिएका हुन् ।

कानून र विधिसम्मत् प्रहरीले गर्ने कार्यमा मन्त्रालयको सहयोग रहने र कुनैपनि हस्तक्षेप नहुने गृहमन्त्री लामिछानेले बताएको प्रहरी प्रवक्ता टेकप्रसाद राईले जानकारी दिए ।

कामको शिलशिला बाहेक राजनीतिक दलका नेता तथा कूटनीतिक नियोगका अधिकारीसँग विभागीय अनुमतिबिना नभेट्न प्रहरीलाई निर्देशन दिएको भोलिपल्ट उपप्रधान तथा गृहमन्त्री लामिछाने प्रहरी प्रधान कार्यालयमा पुगेका हुन् ।