अखबार नेपाल ट्रेन्डिङ

काठमाडौं: नेकपा एमाले अध्यक्ष केपी शर्मा ओली र माओवादी अध्यक्ष तथा प्रधानमन्त्री पुष्पकमल दाहाल ‘प्रचण्ड’बीच आज प्रचण्ड निवास खुमलटारमा दुई घण्टा लामो भेटवार्ता गरेका छन् ।

प्रचण्डका स्वकीय सचिव रमेश मल्लका अनुसार दुई नेताबीच सरकारका नीति तथा कार्यक्रमलाई लिएर छलफल भएको बताए । साथै जसपा, राप्रपा, एकीकृत समाजवादी लागायतका दललाई सरकारमा सहभागी गराएर दुई तिहाईको सरकार बनाउने सम्बन्धमा पनि छलफल भएको बताए ।

‘उहाँहरुबीच सरकारका नीति कार्यक्रम के-के बनाउने ? सरकारलाई कसरी प्रभावकारी बनाउने भन्ने कुरा भयो’, उनले भने, ‘मन्त्रिपरिषद्को पहिलो बैठकबाट भएका निर्णय कार्यान्वयनबारे पनि कुरा भएको छ ।’

मल्लले यसबारेमा बिहीबार फेरि बालुवाटारमा पनि छलफल गर्ने गरी भेटवार्ता टुंगिएको बताए ।