अखबार नेपाल ट्रेन्डिङ

काठमाडौं: नेपाली कांग्रेस संसदीय दलको नेता चयनका लागि मतदान सकिएको छ । प्रधानमन्त्री समेत रहेका सभापति शेरबहादुर देउवा र महामन्त्री गगनकुमार थापा प्रतिस्पर्धामा छन् ।

सिंहदरबारस्थित कांग्रेस संसदीय दलको कार्यालय परिसरमा बिहान ८ बजेपछि सुरु भएको मतदान बिहान १० बजेतिर सकिएको हो ।

आजै मतगणना र परिणाम घोषणा हुने कांग्रेसको ‘संसदीय दलको नेता तथा कार्यसमिति निर्वाचन समिति’ले जनाएको छ ।

कांग्रेसका ८९ सांसद भए पनि मत ८८ जनाले दिने हो । टेकबहादुर गुरुङ अदालतमा मुद्दा विचाराधीन रहेकाले मतदानमा सहभागी भएनन् ।