घरदैलोमा प्रकाशमान सिंहलाई भोट माग्दै बाबुरामले भने: ‘उहाँ स्वच्छ छविको र योग्य व्यक्तित्व हुनुहुन्छ’
वि.सं.२०७९ कात्तिक २५ शुक्रवार १०:४८
काठमाडौं: पूर्वप्रधानमन्त्री तथा नेपाल समाजवादी पार्टी (नेसपा) का संयोजक डा. बाबुराम भट्टराईले कांग्रेस नेता प्रकाशमान सिंहलाई भोट माग्न हिँडेका छन् ।
काठमाडौं क्षेत्र नम्बर १ मा कांग्रेसका उम्मेदवार सिंहलाई मत माग्दै भट्टराईले संविधान कार्यान्वयन र विकासका लागि सत्ता गठबन्धनलाई जिताउन आग्रह गरे ।
‘अहिलेको निर्वाचन विशिष्ठ छ । सामान्य अवस्थामा दलहरुबीच प्रतिस्पर्धा हुन्छ तर, यसपटक प्रतिगमनकारी शक्तिहरुको विरुद्ध अग्रगमनकारीको लडाँइ हो । उहाँ योग्य व्यक्ति हुनुहुन्छ । स्वच्छ छविको व्यक्तित्व हुनुहुन्छ’ उनले भने-, ‘हाम्रो गठबन्धनलाई बलियो बनाएर मात्रै संविधानको रक्षा र संस्थागत विकासको सुनिश्चितता हुन्छ । उहाँ स्वच्छ छविको व्यक्तित्व हुनुहुन्छ। हाम्रो गठबन्धनलाई बलियो बनाएर मात्रै संविधान रक्षा हुन्छ । उहाँको पक्षमा मत माग्न म आएको हुँ ।’
भट्टराईसँगै घरदैलोमा रहेका सिंहले पनि पत्रकारहरूसँग कुराकानी गर्दै गठबन्धनलाई आधार मानेर अगाडि बढेको बताए । संविधान रक्षा गर्न गठबन्धन बनेको उनले बताए । ‘पहिलेभन्दा राम्रो छ । उत्साही छौं,’ उनले भने, ‘काठमाडौं १ गठबन्धनकै पक्षमा जान्छ ।’
वि.सं.२०७९ कात्तिक २५ शुक्रवार १०:४८