अखबार नेपाल ट्रेन्डिङ

काठमाडौं: काठमाडौं उपत्यकाभित्र राखिएको होर्डिङ बोर्डको कर नतिरेपछि काठमाडौं महानगरपालिकाका मेयर बालेन साहले उनीहरुलाई कर तिर्न ३० दिने अल्टिमेटम दिएका छन् ।

महानगरपालिकाभित्र होर्डिङ बोर्ड राखेको विभिन्न संघसंस्था, व्यक्ति र व्यवसायीहरुलाई सूचना नै जारी गरेर ३० दिनभित्र कर तिर्न आग्रह गरिएको छ ।

उनीहरुलाई तोकिएको समयमा कर नतिरे र तोकिएको साइजभन्दा ठूलो बोर्ड राखिएको पाईएमा कानुन अनुसार दण्डित गर्ने पनि महनगरले सूचित गरेको छ ।

यस्तो महानगरपालिकाले निकालेको सूचना:

काठमाडौं महानगरपालिका क्षेत्रभित्र व्यापार व्यवसाय गर्ने केही व्यक्ति, संघसंस्थाहरूले आफ्नो कार्यस्थलमा बाहिर राखिआएको परिचय पाटी (व्यक्ति व्यवसाय वा संघ संस्थाको परिचय खुल्ने नाम भएको) राखे बापत महानगरपालिकालाई बुझाउन पर्ने परिचय पाटी शुल्क बुझाएको नपाइएको हुँदा यस सूचना प्रकाशन भएको ३० (तीस) दिनभित्र सम्बन्धित वडा कार्यालयमा गई महानगरपालिकाको आर्थिक ऐन, २०७९ को अनुसूची ९ बमोजिमको निम्नानुसारको शुल्क बुझाउन सम्बन्धित सबैलाई जानकारी गराइएको छ ।