अखबार नेपाल ट्रेन्डिङ

काठमाडौ : गठबन्धनमा रहेका दलहरुले आगाी मंसिर ४ गते हुने प्रतिनिधिसभाको सिट संख्यामै बाडफाँड गर्न सकिरहेका छैनन् ।

उनीहरुले आ-आफ्नो सिट संख्या दाबी गरेका कारण गठबन्धनको बैठकबाट कुनै निष्कर्ष निकाल्न सकिरहेका छैनन् । गठबन्धनमा कांग्रेसले १०० सिट दाबी गरेको छ भने माओवादी केन्द्रले ६०, एकीकृत समाजवादीले ४०, जसपाले ३२ र जनमोर्चाले दुई सिटमा दाबी गरेका छन् । सबै दलहरू आफ्नो दाबीबाट पछि हट्न तयार नहुँदा समस्या भइरहेको बताइएको छ ।

हिजो बसेको गठबन्धनको वैठकले कुनै निषकर्ष निकाल्न सकेन । वैठक अहिले बिहान ८ बजे प्रधानमन्त्री निवास बालुवाटारमा बस्दैछ । हिजोको वैठकमा जनता समाजवादी पार्टीका अध्यक्ष उपेन्द्र यादव अनुपस्थित भएपछि कुनै सहमति हुने सकेन । गठबन्धनका नेताहरुले सिट बाडफाँडको काम अन्तिम चरणमा पुगेको बताएपनि अहिलेसम्म निकर्षमा पुग्न भने सकिरहेको छैन् ।

एकीकृत समाजवादी पार्टी र जनता समाजवादीले नेपाली कांग्रेस र नेकपा माओवादीको दम्भका कारण यस्तो अवस्था सिर्जना भईरहेको बताउँदै आएको छ ।