अखबार नेपाल ट्रेन्डिङ

काठमाडौं: मेलम्ची खानेपानी आयोजनाको ठेक्का प्राप्त गरी काम गर्न पुगेको निर्माण कम्पनीलाई स्थानीय ठेकेदारले आफ्नो रकम भुक्तानी नदिएको भन्दै फर्काइदिएका छन् ।

पीडित व्यवसायीले आफ्नो रकम भुक्तानी नदिएको भन्दै मेलम्ची खानेपानी आयोजनाको मुहान क्षेत्रमा काम गर्न आएका श्रेष्ठ कन्स्ट्रक्सनका कामदारलाई फर्काइदिएका हुन् । सरकारले मुहानको हेडबक्स लगायतका अन्य काम गर्ने जिम्मा श्रेष्ठ कन्स्ट्रक्सनलाई दिएको थियो ।

कामको जिम्मा पाएपछि कम्पनी कामदार बोकेर मेलम्चीको मुहान पुगेको थियो । तर स्थानीयवासीले आयोजनामा आफूहरुको डुबेको रकम पहिला भुक्तानी दिएपछि मात्र काम सञ्चालन गर्नुपर्ने नत्र अवरोध हुने चेतावनी दिएपछि श्रेष्ठ कन्ट्रक्सनका कामदारहरु फर्केका हुन् ।

इटाली कम्पनी सिएमसीले रकम नदिएर भागेपछि बोलपत्र खुलाएर मेलम्चीले अर्को ठेक्का प्रक्रिया थालेको थियो । स्थानीयवासी लगायत निर्माण व्यावसायीहरु डेढ अर्ब रुपैयाँ भुक्तानी पाउनुपर्ने माग राखेर आन्दोलनरत छन् । रकम भुक्तानी नदिएसम्म काम चल्न नदिने भन्दै उनीहरु आन्दोलनरत छन् ।