अखबार नेपाल ट्रेन्डिङ

काठमाडौ : नेपाली कांग्रेसका सभापति शेरबहादुर देउवाले पार्टीको विधि र विधान बमोजिम नचलेको भन्दै शेखर कोइराला खरो रुपमा उत्रिदैछन् ।

पार्टीको १४औं महाधिवेशन सकिएको छ महिनापछि संस्थापन इतर समूहले छुट्टै बैठक बोलाएको छ । कोइराला नेतृत्वमा रहेको समूहले आज दिउँसो २ बजे बत्तिसपुतलीमा बैठक बोलाएको हो ।

पार्टी सभापति देउवा विधि र विधानअनुसार नचलेको, स्थानीय निर्वाचन सकिएको डेढ महिना बितिसक्दा पनि कांग्रेसले निर्वाचन परिणामबारे समीक्षा नगरेको कोइराला पक्षको आरोप छ ।

सभापति देउवाले पार्टीको महाधिवेशन सकिएको छ महिना भइसक्दा पनि पदाधिकारी, समिति र भ्रातृसंगठनलाई पूर्णता दिन सकेका छैनन् ।

सभापति एवम् प्रधानमन्त्री देउवाले पार्टी र सरकारको कामलाई सँगै लैजान नसकेको भन्दै आलोचना भइरहेको समयमा बत्तिसपुतलीको अनुपम फुडल्याण्डमा बैठक डाकिएको हो ।

कोइराला देउवाबिरुद्ध खरो रुपमा उत्रिदै आफूनिकटको भेला बोलाएका हुन ।