अखबार नेपाल ट्रेन्डिङ

काठमाडौं: नेपाल आयल निगमले इन्धनको मूल्य प्रतिलिटर दुई रुपैयाँ घटाएको छ । भारतीय आयल निगम (आइओसी)ले पठाएको नयाँ मूल्यसूचीमा घटेकाले सोहीअनुसार मूल्य समायोजन गरिएको निगमले जनाएको हो ।

पेट्रोलियम प्रदार्थको स्वचालित मूल्य प्रणाली कार्यान्वयन कार्यविधि २०७१ अनुसार समायोजन गर्दा पेट्रोल, डिजेल तथा मट्टितेलमा प्रतिलिटर दुई/दुई रुपैयाँ घटाएको निगमको भनार्इ छ । नयाँ मूल्यसूची आइतबार राति १२ बजेदेखि लागू हुने पनि निगमले जनाएको छ ।

मूल्य समायोजन पश्चात् पेट्रोल १ सय ८ रुपैयाँ, डिजेल र मट्टितेल प्रतिलिटर ९६ रुपैयाँ ५० पैसा कायम गरिएको छ । हवाई इन्धन र खाना पकाउने एलपी ग्यासको मूल्य भने यथावत राहेको निगमले जनाएको छ ।