अखबार नेपाल ट्रेन्डिङ

काठमाडौं: सत्तारुढ दलले आज काठमाडौमा संयुक्त चुनावीसभाको आयोजना गरेको छ । आज दिउसो १ बजे शान्तिबाटिकामा पाँचदलीय गठबन्धनले संयुत्तल सभा गर्न लागेको हो ।

सभामा गठबन्धनमा रहेका शिर्ष नेताहरुले सम्बोधन गर्ने कार्यक्रम रहेको छ । सभामा प्रधानमन्त्री एवं नेपाली कांग्रेसका सभापति शेरबहादुर देउवा, नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी नेपाल र राष्ट्रिय जनमोर्चाका शीर्ष नेताले सम्बोधन गर्ने कार्यक्रम रहेको छ ।

वैशाख ३० गते हुने स्थानीय तहको निर्वाचनमा गठबन्धन दलहरूले स्थानीय आवश्यकतानुसार चुनावी तालमेल गरेका छन् । हिजो मात्रै गठबन्धनले चितवनमा सभा गरेको थियो ।