अखबार नेपाल ट्रेन्डिङ

काठमाडौं: आगामी वैशाख ३० गते हुने स्थानीय तहको निर्वाचनबारे निर्वाचन आयोग र राजनीतिक दलहरुबीच छलफल सुरु भएको छ ।

छलफल गर्न  संघ, प्रदेश र स्थानीय तहमा प्रतिनिधित्व गर्ने राजनीतिक दलका प्रतिनिधिहरुलाई छलफलका लागि बोलाएको हो ।

निर्वाचनका लागि आयोगले हालसम्म गरेको कार्यप्रगति जानकारी गराउने र आगामी रणनीतिबारे छलफल गर्न दलहरुलाई बोलाएको हो ।

आगामी स्थानीय तह निर्वाचनका लागि ८० राजनीतिक दलले आयोगमा दर्ताका लागि निवेदन दिएका छन् ।

यसअघि २०७४ को स्थानीय तह निर्वाचनमा ८० दलले दर्ताका लागि निवेदन दिएका थिए । जसमध्ये ५७ दलले मात्र भाग लिएका थिए ।

सो निर्वाचनमा भाग लिएकामध्ये १८ राजनीतिक दलको मात्र स्थानीय तहमा प्रतिनिधित्व छ ।