अखबार नेपाल ट्रेन्डिङ

काठमाडौं: बिहीबार (आज)देखि देशका उच्च पहाडी तथा हिमाली क्षेत्रमा परेको वर्षा र हिमपातले देशभरको जनजीवन कष्टकर बनिरहेको छ ।

वर्षासँगै बढेको चिसोले बालबालिका र वृद्धवृद्धा तथा पशुचौपायालाई असर गरेको छ ।

हुम्ला, मनाङ, मुगुसहित हिमाली क्षेत्रमा भएको हिमपातले तीन फिटभन्दा बढी हिउँ जमेको छ । काठमाडौं उपत्यकाको विभिन्न क्षेत्रसहित देशभरका उच्च पहाडी क्षेत्रमा पनि हिमपात भएको छ ।

फुल्चोकी, शिवपुरी, दलचोकी, चन्द्रागिरिसहित काठमाडौं उपत्यका आसपास लगायत उच्च पहाडी क्षेत्रमा पनि हिमपात भएको छ ।

अझै केही दिन मौसममा सुधार आउन समय लाग्ने मौसमविद्हरूले जानकारी दिएका छन् ।

मौसमविद्हरूले देशभरि नै भारी वर्षा भइरहेको जनाएका छन् ।

उनीहरूका अनुसार शनिबार बिहानसम्म मौसम बदली नै रहने छ ।