अखबार नेपाल ट्रेन्डिङ

काठमाडौं: आज फेब्रुअरी ४ तारिख अर्थात विश्व क्यान्सर दिवस ।

‘उपचारको खाडल बन्द गराऔं’ भन्ने मुल नारासहित नेपालमा पनि विश्व क्यान्सर दिवस विभिन्न कार्यक्रम गरी मनाइदैछ ।

क्यान्सरका विषयमा जनचेतना फैलाउने उद्धेश्यसहित २१ वर्षदेखि फेब्रुअरी ४ तारिखका दिन यो दिवस मनाउने गरिएको हो ।

नेपालमा प्रत्येक वर्ष क्यान्सरवाट १३ हजार बढी व्यक्तिको मृत्यु हुने गरेको तथ्यांक छ ।

नसर्ने रोगहरु मध्ये क्यान्सरका कारण नेपालमा बर्षेनी धेरैले ज्यान गुमाउने गरेका छन् ।

जीवनशैली, खानपान र वशांणुगत कारणले धेरै मानिसमा क्यान्सर देखिने गरेको चिकित्सकहरु बताउँछन् ।

समयमा नै पहिचान हुन सक्ने हो भने पूर्ण रुपमा निको हुने क्यान्सर धुम्रपान, मद्यपानका कारण सबै भन्दा बढी देखिने गरेको छ ।

नेपालमा हाल ४० बर्ष माथि उमेर समूहदेखि नै क्यान्सर रोग नै देखिने चिकित्सकहरुले बताउँदै आएका छन् ।

नेपालमा हाल कति क्यान्सररोगी छन् भने एकिन तथ्याक नभए पनि अबूर्द रोग निवारण संस्थाले झन्डै ६० हजार क्यान्सर रोगी रहेको जनाएको छ ।

क्यान्सर सुरुवाती चरणमा पत्ता लाग्न समस्या हुन्छ भने लक्षण देखिदासम्म दोस्रो तेस्रो चरणमा पुगिसकेको हुन्छ ।

जति क्यान्सर अन्तिम चरणमा पुग्छ, निको हुने दर उति नै कम हुन्छ । मानिसको शरीरको जिनमा विकृति आयो भने क्यान्सर रोग लाग्छ ।

५ देखि १० प्रतिशत क्यान्सर रोग वंशाणुगत देखिने गर्छ । हाल नेपालमा फोक्सो, स्तन र महिलामा पाठेघरको मुखको क्यान्सर बढी देखिने गरेको छ ।