अखबार नेपाल ट्रेन्डिङ

काठमाडौं: प्रभाव राष्ट्रिय दैनिकका सञ्चालक एवं सम्पादक र नेपाल पत्रकार महासङ्घ काठमाडौं शाखाका सदस्य कमलराज राईको असामयिक निधन भएको छ ।

राईको उपचारका क्रममा नेपाल-भारत मैत्री अस्पतालमा बिहीबार निधन भएको हो ।

पछिल्लो समय सामान्य विरामी रहेका राईलाई बिहीबार बिहान अचानक स्वास्थयमा समस्या आएपछि त्रिवि शिक्षण अस्पताल लगिएको थियो । अक्सिजन लेभल कम भएर टिचिङ शिक्षण अस्पतालमा आइसियु खाली नभएपछि थप उपचारका लागि नेपाल-भारत मैत्री अस्पताल लगिएको थियो । उपचारको क्रममा सोही अस्पतालमा राईको बेलुका निधन भएको हो ।

ओखलढुङ्गा मानेभन्ज्याङ गाउँपालिका उँबुमा जन्मिएका राई दुईदशकदेखि पत्रकारितामा सक्रिय रुपमा रहेका थिए । पत्रकारितामा गोरखा सैनिक आवाज पत्रिकाबाट संवाददताको रुपमा पत्रकारिता सुरु गरेका थिए । राईले माउन्टेन टेलिभिजन, सौर्य दैनिक, सिटीपोष्ट दैनिक, कमाण्डर पोष्ट दैनिक, खम्बुवान पत्र, न्युज अप्रेसन, नयाँ सन्देश साप्ताहिक लगायतका सञ्चारमाध्यमबाट पत्रकारिता गरेका थिए ।

पछिल्लो समय खासखबर साप्ताहिकको प्रकाशक तथा सम्पादक समेत गरेका थिए । आम सञ्चारमा स्नातकोत्तर अध्ययनरत राईले अर्थ सवाल साप्ताहित, तामाकोशी साप्ताहिक लगयतका विभिन्न पत्र-पत्रिका नियमित स्तम्भ लेखन गर्दै आएका थिए ।

४५ वर्षीय राईका श्रीमती‚ आमा र बहिनी छन् ।

राईको प्रार्थिव शरीर अन्त्यष्टीका लागि गृह जिल्ला ओखलढुंगा लगिने पारिवारिक स्रोतले बताएको छ ।

राईको मृत्युप्रति अखबार नेपाल र अखबार टाईम्स साप्ताहिक टीम भावपूर्ण श्रद्धञ्जलि व्यक्त गर्दछौं । शोक सन्तप्त परिवारप्रति धैर्यधारणा गर्ने शक्ति मिलोस् ।