अखबार नेपाल ट्रेन्डिङ

काठमाडौं: रामेछाप खाँडादेवी गाउँपालिकाका विभिन्न वडाबाट नेकपा एमाले र कांग्रेसमा आबद्ध युवाहरु नेकपा एकीकृत समाजवादीमा प्रवेश गरेका छन् ।

काठमाडौंको अरिकल इमेन्ट्समा आयोजित पार्टी प्रवेश कार्यक्रममा नेकपा एसका अध्यक्ष माधवकुमार नेपालले १ सय ३७ जना युवा पार्टी प्रवेश गरेको पोलिटव्युरो सदस्य तथा नेकपा एसका रामेछाप जिल्ला सहइन्चार्ज होम बुढाथोकीले बताए ।

नेकपा एसमा प्रवेश गर्नेमा नर्बु घिसिङ, श्याम घिसिङ, रमेश लामा, अशोक लामा, मित्र मोक्ता, दिप मोक्ता, धावा दोर्जे घिसिङ लगायत छन् ।

पार्टी प्रवेश कार्यक्रमलाई सम्बोधन गर्दै अध्यक्ष नेपालले एमाले, कांग्रेस र स्वतन्त्र रहेका ठूलो संख्यामा युवाहरु नेकपा एसमा आकर्षित भएको बताए ।

नेपालले कोरोना महामाकारीका कारण नेकपा एसको अभियानमा केही कठिनाई भएको बताए । कार्यक्रममा एमाले पोलिटव्युरो सदस्य देवशंकर पौडेल, होम बुढाथोकी, प्रदेश कमिटी सदस्य रमेशबाबु श्रेष्ठ, समाजवादी प्रेस संगठनका बरिष्ठ उपाध्यक्ष विश्वमणी सुवेदी लगायतका नेताहरु सहभागी थिए ।