अखबार नेपाल ट्रेन्डिङ

काठमाडौं: पोखरमा जारी २०औं संस्करणको आहा रारा गोल्डकप फुटबल प्रतियोगितामा विभागीय टोली त्रिभुवन आर्मी क्लब सेमिफाइनलमा प्रवेश गरेको छ ।

पोखरा रंगशालामा मंगलबार भएको अन्तिम क्वाटरफाइनलमा थ्री स्टार क्लबलाई १-० गोल अन्तरले हराउँदै आर्मी अन्तिम चारमा पुगेको हो ।

आर्मीलाई जित दिलाउन खेलको ७० औं मिनेटमा राजिब गुरुङले निर्णायक गोल गरे ।

सेमिफाइनलमा आर्मीले मनाङ मर्स्याङ्दी क्लबसँग प्रतिस्पर्धा गर्नेछ ।

हारसँगै पाँच पटकको च्याम्पियन थ्री स्टार भने बाहिरिएको छ ।

मनाङ नेपाल पुलिस क्लबलाई २-० गोल अन्तरले हराउँदै अन्तिम चारमा पुगिसकेको छ ।

सहारा क्लब पोखराको आयोजनामा जारी प्रतियोगितामा  कुल १० टिमको सहभागिता रहेको छ ।