अखबार नेपाल ट्रेन्डिङ

काठमाडौं: जारी नेपाली कांग्रेसको १४औं महाधिवेसनमा नयाँ नेतृत्व चयनका लागि दोस्रो चरणको मतदान सुरू भएको छ ।

आज दिउँसो साढे ३ बजेबाट सुरू भएको मतदान बेलुका साढे ७ बजेसम्म चल्नेछ ।

मतदानका लागि कांग्रेसका महाधिवेशन प्रतिनिधि राष्ट्रियसभा गृह बाहिर लाइन बसेका छन् ।

राष्ट्रियसभागृह बाहिर प्रदर्शनीमार्गमा कांग्रेस नेता कार्यकर्ताको ठूलो भीड लागेको छ ।

प्रहरीले महाधिवेशन प्रतिनिधिलाई मात्र कार्ड हेरेर राष्ट्रिय सभागृहमा प्रवेश दिएको छ ।

पहिलो चरणको निर्वाचनमा सभापतिका कुनैपनि उम्मेदवारले बहुमत ल्याउन नसकेपछि पुन: मतदान भएको हो ।

दोस्रो चरणमा शेरबहादुर देउवा र शेखर कोइरालाबीच प्रतिस्पर्धा भईरहेको छ ।

सभापतिका प्रत्यासी दुबै जना उम्मेदवारहरू अहिले मतदानस्थलमा आइसकेका छन् ।