अखबार नेपाल ट्रेन्डिङ

काठमाडौं: चितवनको सौराहामा जारी नेकपा एमालेको १०औँ महाधिवेशनबाट अध्यक्षमा केपी शर्मा ओली फराकिलो मतान्तरले विजयी भएका छन् ।

महाधिवेशनको मतगणनामा जम्मा खसेको २९६ मतमध्ये अध्यक्ष ओलीले १८०८ मत पाएका छन् भने अर्का प्रत्यासी भीम रावलले २२३ मत पाएका छन् ।

ओलीको पक्षमा ८९.४६ प्रतिशत महाधिवेशन प्रतिनिधिले रोजेका छन् । रावलले १०.५४ प्रतिशत मत आफ्नो पक्षमा पार्न सफल भएका छन् ।

निर्वाचन आयोगका अनुसार मुचुल्कामा हस्ताक्षर गरेपछि औपचारिक रुपमा परिणाम सार्वजनिक गरिने छ ।

सर्वसम्मत नेतृत्व चयन गर्ने प्रयास सफल नभएपछि मंगलबार बिहान निर्वाचन भएको थियो । एमालेका २१ ५३ प्रतिनिधिहरुमध्ये २०९६ मत खसेको थियो ।

नवौं महाधिवेशनमा निर्वाचित भएदेखि एमालेको नेतृत्व ओलीले सम्हाल्दै आएका छन् । नवौं महाधिवेशनबाट रावल उपाध्यक्ष बनेका थिए ।

१० औं महाधिवेशनमा अध्यक्षमा उम्मेदवारी दिएपछि रावलले अध्यक्ष नबने केन्द्रीय सदस्यमा पनि नरहने घोषणा गरेका थिए ।