अखबार नेपाल ट्रेन्डिङ

काठमाडौं: प्रधानन्यायाधीश चोलेन्द्र शमशेर जबरा बिरामी भएर अस्पताल भर्ना भएपछि कानुन व्यवसायीले उनीविरुद्धको नाराजुलुस रोकेका छन् ।

आज सर्वोच्च अदालतमा जम्मा भएर धर्ना कार्यक्रमलाई निरन्तरता दिए पनि उनीहरुले नारा जुलुस भने गरेका छैनन् ।

यसअघि धर्नामा चोलेन्द्र शमेशेरको राजीनामा माग गर्दै नारा लगाउँदै आएका थिए । आज भने मौन रहेको नेपाल बारका महासचिव लिलामणि पौडेलले बताए ।

प्रधानन्याधिश बिरामी भएर अस्पताल भर्ना हुनु भएको छ रे, त्यही भएर अस्पतालमा भएको मान्छेविरुद्ध नारा जुलुस नगरेको र स्वास्थ्य लाभको कामना गरेको महासचिव पौडेलले बताए ।

कोरोना संक्रमण भएपछि प्रधानन्यायाधीश राणा सोमबार साँझ बलम्बुस्थित सशस्त्र प्रहरी अस्पतालमा भर्ना भएका छन् ।