अखबार नेपाल ट्रेन्डिङ

काठमाडौं: आज ६६औँ प्रहरी दिवस विभिन्न कार्यक्रमको आयोजना गरि मनाइँदैछ । कानुनी रुपमा नेपाल प्रहरीले आधिकारिता पाएको आज ६६ वर्ष पुगेको हो ।

वि.सं. २०१२ मा प्रहरी संगठन औपचारिक रुपमा गठन भएपनि प्रहरी दिवस भने केही वर्षपछि मात्रै मनाउन सुरु गरिएको  हो ।

प्रहरी दिवस तीन दिनसम्म दिपावली गरेर मनाउने गरिन्छ । मंगलबारदेखि नै दिपावली तथा अन्य कार्यक्रम गरेर सुरु गरिएको छ ।

प्रहरी दिवसमा प्रहरी प्रधान कार्यालयसहित प्रदेश र जिल्लादेखि इलाका प्रहरी कार्यालयसम्म विभिन्न कार्यक्रम गरेर मनाउने गरिएको छ ।

दिवसका अवसरमा आज प्रहरी प्रधान कार्यालय नक्सालमा विशेष कार्यक्रम आयोजना गरिएको छ । यहीँ क्रममा उत्कृष्ट काम गर्ने प्रहरी अधिकृत तथा जवानलाई सम्मानित गर्ने र कामको समीक्षा गर्ने हुन्छ ।

कार्यक्रममा प्रधानमन्त्री शेरबहादुर देउवाले प्रहरी अधिकृतलाई सम्बोधन गर्ने र समारोहमा उत्कृष्ट कार्य गर्ने प्रहरी कर्मचारीलाई पुरस्कृत पनि गरिने छ ।