अखबार नेपाल ट्रेन्डिङ

काठमाडौं: नेपाली कांग्रेसको पदाधिकारी बैठक पार्टी सभापतिसमेत रहेका प्रधानमन्त्री शेरबहादुर देउवाको निजी निवास बूढानीलकण्ठमा बस्दै छ ।

यसअघि मंगलबार क्रियाशील सदस्यता छानबिन समितिले तयार गरेको प्रतिवेदन सभापति देउवाले बुझेसँगै प्रतिवेदन अध्ययन गरी आगामी रणनीति तयार पर्ने भन्दै बैठक स्थगित गरिएको हो ।

आजको बैठक महाधिवेशनको विषयमा केन्द्रित रहने बताईएको छ । बैठकमा यसअघि रोकिएको वडा अधिवेशन कहिले गर्ने भन्नेबारे छलफल हुने बताइएको छ ।

बैठकले तल्लो संरचनाको अधिवेशनको नयाँ मितिबारे निर्णय गर्ने बताइएको छ । यसअगाडि मंगलबारदेखि सुरु हुने भनिएको तल्लो तहको अधिवेशन स्थगित गरिएको थियो ।

आजको बैठकले प्रतिवेदनले बाँकी राखेका विषयलाई समेत टुंग्याउने मापदण्ड बनाउने बताईएको छ ।