अखबार नेपाल ट्रेन्डिङ

काठमाण्डौं: नेपालमा बर्डफ्लूको संक्रमणका कारण एक जनाको मृत्यु भएएको छ । स्वास्थ्य तथा जनसंख्या मन्त्रालयले आज पत्रकार सम्मेलन गरेर काभ्रेका २१ वर्षीय युवाको मृत्यु भएको जानकारी गराएको हो ।

चरा र कुखुरा लगायत पंक्षीमा देखिएको बर्डफ्लू मानिसमा पनि सरेको पुष्टि भएको छ । ज्वरो र खोकी लागेर अस्पताल पुगेका उनलाई इन्फ्लुएन्जाको औषधि दिइएको थियो । तर उनको श्वासप्रश्वासमा समस्या देखिएपछि गएको चैत १५ गते नै मृत्य भएको थियो ।

गएको चैत १० गते ज्वरो र खोकीको लक्षण सहित बिरामी भएर अस्पताल भर्ना भएका ति युवालाई चिकित्सकले इन्फुएन्जाको संक्रमण भएको शंका लागि घाँटीको र्यारल परीक्षणका लागि राष्ट्रिय जनस्वास्थ्य प्रयोगशाला टेकु पठाइएपनि पुष्टि हुन सकेको थिएन । उनको मृत्युपछि प्रयोगशालामा परीक्षणका लागि र्यााल जापान पठाइएको थियो । जापानबाट आएको रिपोर्टमा बर्ड फ्लू (एचफाइबएनवान) बाटै उनको मृत्यु भएको पुष्टि भएपछि यो प्रमाणित भएको हो ।।