अखबार नेपाल ट्रेन्डिङ

काठमाडौं: जुम्लाको तिला गाउँपालिका–७ पोखरीस्थित गोठीगाउँमा आगलागी हुँदा ३० वटा घर जलेर नष्ट भएका छन् ।

मंगलबार बेलुकी साढे ५ बजेतिरबाट शुरु भएको आगलागीले करिब ३० घर जलेर नष्ट भएका जिल्ला प्रहरी कार्यालय जुम्लाले जनाएको छ ।

आगो अझै पुर्ण रुपमा नियन्त्रणमा आइनसकेको प्रहरीले जनाएको छ । सदरमुकाम खलंगाबाट ३५ किलोमिटर दूरीमा रहेको गाउँमा भएको आगलागी नियन्त्रणका लागि स्थानिय र प्रहरीका टोली अहिले बिहान पनि नियन्त्रणको प्रयासमा लागिरहेका जिल्ला प्रहरी कार्यालय जुम्लाले जनाएको छ ।

आगलागीमा कुनै मानविय क्षति नभए पनि घरमा रहेका सबै सरसमान र पशु चौपाया जलेका छन् ।