अखबार नेपाल ट्रेन्डिङ

काठमाडौं: सर्वोच्च अदालतले बंशजका आधारमा नागरिकता बितरण गर्ने कार्य तत्कालका लागि रोक्न अन्तरिम आदेश जारी गरेको छ । वरिष्ठ अधिवक्ता बोर्णबहादुर कार्कीले दायर गरेको रिटमाथि सुनुवाइ गर्दै प्रधानन्यायाधीश चोलेन्द्रशम्शेर राणा र न्यायाधीश पुरुषोत्तम भण्डारीको संयुक्त इजलासले विवादको अन्तिम टुंगो नलाग्दा सम्म नागरिकता वितरण नगर्न आदेश दिएको हो ।

सर्बोच्च अदालतले २०५३ र २०५८ मा अवैध रुपमा नागरिकता वितरण गरिएका नागरिकका सन्तानलाई नागरिकता दिने बाटो खोलेको भन्दै सो निर्णय उपर रिट दायर भएको थियो । गैर नागरिकले पनि बंशजको आधारमा नागारिकता पाउने गरि निर्णय भएको भन्दै बिरोध भैरहँदा सर्बोच्च अदालतले सरोकारवाला पक्षसँग छलफल समेत गरेको थियो ।

अन्तरिम आदेश सँगै गृहमन्त्रालयको परिपत्र अनुरुप भैरहेको नागरिकता वितरण कार्य पनि रोकिएको छ । गृह मन्त्रालयले चैत १९ गते वंशजका आधारमा नागरिकता दिनू भन्दै सबै जिल्ला प्रशासन कार्यालयलाई परिपत्र गरेको थियो ।