अखबार नेपाल ट्रेन्डिङ

काठमाडौं: अन्तरप्रदेश बैठकको कार्यविधि पारित गर्दै दोश्रो अन्तरप्रदेश परिषदको बैठक सकिएको छ । प्रधानमन्त्री तथा मन्त्रिपरिषद् कार्यलय सिहंदरवारमा बसेको बैठकले कार्यविधि पारित गर्नुका साथै अघिल्लो बैठकका योजनाको प्रगतिको समीक्षा गरेको अर्थमन्त्री डाक्टर युवराज खतिवडाले जानकारी दिए ।

बैठकमा सरकारको नीति तथा कार्यक्रमलाई प्रभावकारी बनाउने विषयमा मुख्यमन्त्रीहरुको राय सुझाव र अनुभवका विषयमा पनि छलफल भएको छ । परिषदको बैठकमा नगरपालिका महासंघ र गाउपालिका महासंघका प्रतिनिधिहरुसँग समेत छलफल भएको थियो । यो आधार बर्षलाई टेकेर आगामी बर्ष महत्वपुर्ण उपलव्धी बर्ष बनाउन परिषद बैठक कोशेढुंगा सावित हुने गरि छलफल भएको मुख्यमन्त्रीहरुले प्रतिकृया दिए ।

बैठकमा प्रदेश-२ का मुख्यमन्त्री कार्यव्यस्तताको कारण देखाउँदै उपस्थित हुनुभएको थिएन । त्यसैगरी प्रदेश-३ का मुख्यमन्त्री डोरमणि पौडेल राष्ट्रपतिसँग चीन भ्रमणमा रहेकाले कार्यवाहक मुख्यमन्त्री तथा आन्तरिक मामिला तथा कानूनमन्त्री शालिकराम जम्मकट्टेल बैठकमा सहभागिता जनाएका थिए ।