अखबार नेपाल ट्रेन्डिङ

काठमाडौं: नेपाली कांग्रेसको आजदेखि हुने भनिएको राष्ट्रिय जागरण अभियान बैशाख २५ गतेसम्मका लागि सरेको छ । केन्द्रीय कार्यसमितिको हिजो बसेको आकस्मिक बैठकको निर्णय अनुसार नेपाली कांग्रेसका नेता पूर्व कोषाध्यक्ष एवं पूर्व मन्त्री रामकृष्ण ताम्राकारको असामयिक र दुःखद निधन भएकोले उहाँप्रति गहिरो शोक प्रकट गर्दै भोलि वैशाख ११ गते देशभर एक साथ प्रारम्भ गर्ने भनिएको “हिमाल, पहाड, तराई–मधेश, नेपाली कांग्रेस राष्ट्रिय जागरण अभियान” को प्रथम चरण अन्तर्गतको एक महिने कार्यक्रमको मिति परिवर्तन गरिएको छ । उक्त कार्यक्रम २०७६ वैशाख २५ गतेदेखि प्रारम्भ भई ज्येष्ठ २५ गतेसम्म देशभरका सबै जिल्लाहरूमा पूर्ववत रुपमा संचालन हुनेछ । पार्टीका पूर्व कोषाध्यक्ष एवं पूर्व मन्त्री रामकृष्ण ताम्राकारको मंगलबार दिउँसो निधन भएपछि जागरण अभियान पछि धकेलिएको हो ।