अखबार नेपाल ट्रेन्डिङ

काठमाडौं: सत्तारुढ नेपाल कम्युनिष्ट पार्टी (नेकपा) को स्थायी कमिटी बैठक प्रधानमन्त्री केपी शर्मा ओलीको उपस्थितिबिनै शुरु भएको छ ।

प्रधानमन्त्रीको सरकारी निवास बालुवाटारमा अहिले स्थायी कमिटिको बैठक बसिरहेको छ ।

यसअघि स्थायी कमिटी बैठक शुरु हुनु अगाडी प्रधानमन्त्री ओलीलाई भेट्न पुष्पकमल दाहाल(प्रचण्ड) बालुवाटार पुगेका थिए ।

करिब आधा घण्टा छलफल गरेपपछि दाहालले स्थायी कमिटीको बैठक शुरु गरेका हुन ।

आजको बैठकमा पार्टी भित्र देखिएको संकटबारे छलफल हुने पूर्व निर्धारित एजेण्डा छ ।

गएको मंसिर २१ देखि शुरु भएको स्थायी कमिटी बैठक चलिरहेकै अवधिमा ओलीले मंगलबार अध्यादेश ल्याएपछि प्रचण्ड, वरिष्ठ नेता माधवकुमार नेपालसहित सचिवालयका पाँच नेताको छुट्टै बैठक हिजो मंगलबार खुमलटारमा बसेको थियो ।

अहिले पार्टीभित्र गुटगत भेलाले बढी मात्रामा प्रश्रय पाईरहेको छ ।

र यो पनि पढ्नुहोस्

• सरकारले ल्याएको संवैधानिक परिषद सम्बन्धी अध्यादेश विरूद्ध सर्वोच्चमा रिट
• सिद्धार्थ बैंकले कर्जा प्रदान गर्न स्कोरकार्ड मोडलको प्रारम्भ
• प्रभु बैंकको लाभांश प्रस्ताव राष्ट्र बैंकबाट स्वीकृत
• एभरेष्ट बैंकको वार्षिक साधारण सभा पुस २७ गते