अखबार नेपाल ट्रेन्डिङ

काठमाडौं:  एभरेष्ट बैंकले पुस २७ गते २६ औं वार्षिक साधारण सभा बोलाएको छ । सभा बैंकको केन्द्रिय कार्यालय लाजिम्पाट, काठमाडौंमा विहान ११ बजे सुरु हुनेछ ।

सभाले प्रस्तावित लाभांश सहित गत वर्षको वार्षिक प्रतिवेदन पारित गर्नुका साथै सर्वसाधारण शेयरधनीहरुको तर्फबाट २ जना सञ्चालक निर्वाचित गर्नेछ ।

एभरेष्ट बैंकले यस वर्षका लागि १० दशमलव ५३ प्रतिशत लाभांश प्रस्ताव गरेको छ । बैंकको कात्तिक १९ गतेको सञ्चालक समितिको बैठकले ५ प्रतिशत बोनस शेयर र कर प्रयोजन समेत गरी ५ दशमलव ५३ प्रतिशत नगद लाभांश वितरणको प्रस्ताव गरेको हो ।

हाल बैंकको चुक्तापूँजी  ८ अर्ब ४७ करोड २ लाख ६ हजार रुपैयाँ रहेको छ । बैंकले सोही पूँजीको आधारमा उक्त लाभांश वितरण गर्नेछ । साधारण सभा र लाभांश प्रयोजनका लागि पुस १० गतेदेखि २७ गतेसम्म बुक क्लोज गर्ने भएको छ । बुक क्लोजको आधारमा बैंकको लाभांश प्राप्त गर्न र साधारण सभामा भाग लिनका लागि पुस ९ गतेसम्म शेयर कायम गर्नुपर्नेछ ।

यो पनि पढ्नुहोस् :

https://www.akhabarnepal.com/%e0%a4%aa%e0%a5%8d%e0%a4%b0%e0%a4%ad%e0%a5%81-%e0%a4%ac%e0%a5%88%e0%a4%82%e0%a4%95%e0%a4%95%e0%a5%8b-%e0%a4%b2%e0%a4%be%e0%a4%ad%e0%a4%be%e0%a4%82%e0%a4%b6-%e0%a4%aa%e0%a5%8d%e0%a4%b0%e0%a4%b8/