अखबार नेपाल ट्रेन्डिङ

काठमाडौं: आफ्नै अनुयायीमाथि बलात्कार तथा वेपत्ता पारेको आरोप लागेका तपस्वी रामबहादुर बम्जनले अदालतलाई अपहेलना गरेको तथ्य सार्वजनिक भएको छ ।

उनीमाथि ३५ दिने सूचना टाँस गरेपनि अदालतमा उपस्थित नभएपछि अदालतलाई नै अपहेलना गरेको तथ्य सार्वजनिक भएको हो ।

तपस्वी बम्जनलाई जिल्ला अदालत सर्लाहीले ३५ दिनतभित्र अदालतमा उपस्थित हुनको लागि सूचना टाँस गरेपनि बम्जन अदालतमा उपस्थित भएनन् ।

उनको यो रवैयाले के तपस्वी बम्जन अदातलभन्दा माथि हुन त ? भन्ने प्रश्न तेस्र्याएको छ ।

सर्लाही अदालतले तपस्वी बम्जनलाई गत कात्तिक २४ गते अदालतमा हाजिर हुनको लागि सूचना टाँस गरेको थियो ।

बम्जनलाई खोज्दै पटक पटक प्रहरी बम्जनको आश्रममा छापा मार्न पुगे पनि उनी फेला परेका छैनन् ।

बम्जन फेला नपरेपछि १८ वर्षीया किशोरीलाई बलात्कार गरेको विषयमा गत असार १८ मा जिल्ला सरकारी वकिलको कार्यालय, सर्लाही मार्फत मुद्दा दायर भएको थियो ।

उनी अदालतमा उपस्थित नभएपछि उनको बिरुद्ध एकलौटी ढंगले फैसला गर्ने अदालतले तयारी गरेको छ । यस्तो अवस्थामा अदालतलाई फैसला गर्न सजलिो पनि देखिएको छ ।

जिल्ला सरकारी वकिलको कार्यालय, सर्लाहीका न्यायाधीवक्ता केशवप्रसा गौतमका अनुसार यो अवधिमा प्रहरीले समेत बम्जनलाई पक्राउ गरेर अदालतमा बुझाउने बाटो खुला छ ।

तर बम्जन नै पक्राउ नपरेपछि यो कुरामा पनि शंका गर्नुपर्ने अवस्था विद्यमान देखिएको छ ।

बम्जनमाथि चार जना अनुयायी बेपत्ता पारेको समेत उजुरी छ । तीमध्ये हेटौंडाको सञ्चलाल वाइवाको हत्या भएको आशंका गरिएको थियो । उनका छोरा महेन्द्रले प्रहरीमा किटानी जाहेरी दिएका थिए ।

छोरा सुरेश हराएको भन्दै हस्तबहादुर आलेमगर, दिदी फूलमायाबारे हेटौंडाका विजय रुम्बा र बहिनी चिनिमायाबारे नुवाकोटकी गंगामाया तामाङले प्रहरीमा जाहेरी दिएका थिए ।

प्रहरीले अनुसन्धानको सिलसिलामा सिन्धुपाल्चोकस्थित आश्रममा छापा हानेर खनतलासी गरेपनि कुनै प्रमाण भेटिएको थिएन ।

सिन्धुपाल्चोकको आश्रमको एक शंकास्पद स्थानमा खनेर प्रहरीले नुनको पोका फेला पारेको थियो ।

त्यहाँ शव गाडेर गलाइएको हुनसक्ने आशंका गरिए पनि कुनै सुराक भेटिएको थिएन ।

प्रहरी श्रोतका अनुसार अहिले पनि सिन्धुपाल्चोको घना जंगलमा आफ्नो अनुयायीका साथ बसिरहेका छन् ।

र यो पनि पढ्नुहोस्:

• ओलीबिनै स्थायी कमिटी बैठक बालुवाटारमा शुरु
• एन आई सी एशिया बैंक र सेन्टबी रेमिटबीच रणनीतिक साझेदारी
• प्रभु बैंकको लाभांश प्रस्ताव राष्ट्र बैंकबाट स्वीकृत
• माछापुच्छ्रे बैंक र एमएडब्लु अर्थमूभर्स प्रा.लिबीच सम्झौता