कोरोना विरुद्धको खोपले मात्र कोरोना संक्रमण अन्त्य नहुने
वि.सं.२०७७ मंसिर २१ आइतवार १२:०२
जेनेभाः कोरोनाभाइरस विरुद्धको खोप प्रयोगका लागि अनुमति प्राप्त भइसकेका बेला खोपले मात्र कोरोना अन्त्य नहुने विज्ञहरूले बताएका छन् । विश्व स्वास्थ्य संगठनका स्वास्थ्य आपतकालीन कार्यक्रमका कार्यकारी प्रमुख डा. माइकल रायनले शुक्रबार खोप मात्रले कोभिड अन्त्य नहुने बताएका हुन् ।
डब्ल्यूएचओका स्वास्थ्य आपतकालीन कार्यक्रमका कार्यकारी प्रमुख डा. माइकल रायनले कोभिडलाई कम गर्न खोपले मात्र कोभिडलाई अन्त्य नगर्ने भन्दै सुरक्षाका अन्य उपायहरू पनि उत्तिकै अवलम्बन गर्नुपर्ने बताए ।
शुक्रबार अमेरिकी रोग नियन्त्रण तथा रोकथाम केन्द्रले एक निर्देशन जारी गर्दै कोरोना संक्रमणबाट बच्न मास्कको प्रयोग महत्वपूर्ण रहेको बताएको छ । अमेरिकामा संक्रमण अझ तीव्र भएको भन्दै परिस्थितिअनुसार घरमै बस्दा पनि मास्क प्रयोग गर्नुपर्ने बताएको हो ।
वि.सं.२०७७ मंसिर २१ आइतवार १२:०२