अखबार नेपाल ट्रेन्डिङ

भक्तपुर: नयाँ वर्षको चार दिन अगाडिदेखि पाँच दिनपछिसम्म गरी आठ रात नौ दिनसम्म मनाउने भक्तपुरको प्रसिद्ध बिस्काः अर्थात् बिस्केट जात्राको तयारी पूरा भएको छ ।

जात्राका लागि तान्त्रिक विधि अनुसार काठैकाठले प्यागोडा शैलीमा ३५ फिट अग्लो तीनतले भैरवनाथको रथका साथै भद्रकालीको रथ निर्माण पूरा भइसकेको छ भने जात्राका लागि आवश्यक ५५ हात लामो लिङ्गो भक्तपुरको चित्तपोलस्थित सल्लाघारीबाट ल्यासिङ्खेलमा ल्याइपुर्याइएको छ ।

जात्राका लागि सुरक्षा व्यवस्था, खानेपानी, सरसफाइको काम पूरा भएको गुठी संस्थानले जानकारी दिएको छ । यस्तै जिल्ला प्रशासन कार्यालय भक्तपुरले आजबाट सुरु हुने बिस्केट जात्रालाई शान्तिपूर्ण रुपमा मनाउन आग्रह गरेको छ । जात्रा शान्तिपूर्ण बनाउनका लागि एक हजार सुरक्षाकर्मी खटाइएको छ ।