अखबार नेपाल ट्रेन्डिङ

रामेछाप:  जिल्ला प्रशासन कार्यालय रामेछापले दशैं लक्षित बजार अनुगमनलाई तिव्रता दिएको छ । सोमबार जिल्ला सदरमुकाम मन्थली बजारका विभिन्न पसलहरुमा आकस्मिक अनुगमन गरेको छ । टोलीले अनुगमन गर्दा फेला पारेको म्याद नाघेका सामानहरु  बरामद गरेको जिल्ला प्रशासन कार्यालय रामेछापले जनाएको छ ।

जिल्ला प्रशासन कार्यालय, जिल्ला प्रहरी कार्यालय, नेपाल पत्रकार महासंघ, उद्योग बाणिज्य संघ समेतको  संयुक्त अनुगमन टोलीले बजार अनुगमन गर्दा  पसलहरुमा विभिन्न खाद्य पदार्थमा म्याद सकिएका सामग्री फेला पारेर बरामद गरेको छ । बरामद गरेको सामग्रीहरु नष्ट गरिने प्रहरीले जनाएको छ ।

मन्थली बजारका  पसलमा आकस्मीक रुपमा गरिएको अनुगमनका क्रममा फेला परेका म्याद नाघेका विभिन्न सामग्रीहरु बरामद गरिएको जिल्ला प्रशासन कार्यालय रामेछापले जनाएको छ  । नेपालीहरुको महान् चाड वडादशै नजिकिएसंगै उपभोक्ताहरुको हितलाई ध्यानमा राखेर अनुगमन गरिएको जिल्ला प्रशासन कार्यालय रामेछापले जनाएको छ ।