अखबार नेपाल ट्रेन्डिङ

काठमाडौ : नेपाल कम्युनिस्ट पार्टी (नेकपा) का उपाध्यक्ष बामदेव गौतमको विषयमा गत बुधबार सर्बोच्च अदालतले हेर्दाहेर्दैमा राखेको मुद्धाको विषयमा आज सुनुवाई हुँदैछ ।

बरिष्ठ अधिवक्ता दिनेश त्रिपाठी लगायतले दायर गरेको मुद्धामा बुधबार बहस भए पनि नसकिएपछि हेर्दा हेर्दैमा राखेको थियो । गौतम राष्ट्रियसभा सदस्यमा मनोनयन गरेको विषयमा मुद्धा दायर भएको थियो ।

गत बुधबार कानुन व्यवसायीहरुले बहस गर्ने क्रम नसकिएका कारण मुद्दा हेर्दाहेर्दैमा राखिएको थियो । पक्ष र विपक्षमा बहसका लागि दर्जनौँ कानुन व्यवसायी रहेका छन् ।

बुधबार सर्वोच्च अदालतको संवैधानिक इजलासको पूर्ण इजलासमा रिट निवेदक र विपक्षी दुबैपक्षबाट बहस भए पनि अझै कानुन व्यवसायीहरुले बहस गर्ने क्रम सकिएको छैन । प्रारम्भिक सुनुवाई गर्दै असोज ७ गते गर्दै न्यायाधीश आनन्दमोहन भट्टराईको इजलासले गौतमको मनोनयन यथास्थितिमा राख्न र थप संवैधानिक जिम्मेवारी नदिन आदेश दिएको थियो । सँगै यो मुद्धालाई संवैधानिक इजलासबाट टुंगो लगाउन आदेश जारी गरेको थियो ।

रिट निवेदनमा गौतमलाई राष्ट्रियसभामा मनोनीत गर्ने राष्ट्रपतिको निर्णय बदर गर्न माग पनि गरेका छन । राष्ट्रपति कार्यालय, प्रधानमन्त्री तथा मन्त्रिपरिषद् कार्यालयलगायतलाई विपक्षी बनाई त्रिपाठीले गौतमलाई राष्ट्रियसभामा मनोनीत गर्ने राष्ट्रपति कार्यालयले गत भदौ २९ गरेको निर्णय बदर गर्न माग गरिएको छ ।

नेता गौतमलाई राष्ट्रियसभामा गरिएको मनोनीत असंवैधानिक भएको उल्लेख गर्दै सांसदका रुपमा कार्य गर्न नदिन र मन्त्रिमण्डलमा लैजाने कार्य रोक्ने अन्तरिम आदेशको माग रिट निवेदनमा गरिएको छ ।आज सर्वोच्च आदलतले यस विषयमा कस्तो निर्णय लेला त्यो प्रतिक्षाको विषय हो ।