आधा किलो सुन भारत लैजान खोज्ने १५ वर्षीय किशोरीसहित दुई पक्राउ
वि.सं.२०७७ असोज १६ शुक्रवार ०८:२४
पिलवस्तु : आधा किलो सुन भारत लैजाँदै गर्दा १५ वर्षीय किशोरी सहित दुई जना पक्राउ परेका छन् ।
कपिलवस्तुको मायादेवी गाउँपालिका-५ बनकछियाबाट आधाा किलो सुन लिएर भारततर्फ जाँदै गरेको अवस्थामा सुनसहित ३४ वर्षीय पवनकुमार गुप्ता र उनकी १५ वर्षीया बहिनी महिमा गुप्ता पक्राउ परेको कपिलवस्तु प्रहरीले जनाएको छ ।
लु ५६ प ६३१० नम्बरको मोटरसाइकलमा भारततर्फ सुन लैजाँदै गरेको विशेष सूचनाका आधारमा उनीहरुलाई बिहीबार राति पक्राउ गरिएको प्रहरी ले जनाएको छ ।
कपिलवस्तु प्रहरी प्रमुख प्रहरी उपरीक्षक नवराज अधिकारीका अनुसार बरामद सुन र पक्राउ परेका दाजु-बहिनीलाई थप अनुसन्धानका लागि जिल्ला प्रहरी कार्यालय तौलिहवा ल्याइएको छ ।
वि.सं.२०७७ असोज १६ शुक्रवार ०८:२४