अखबार नेपाल ट्रेन्डिङ

काठमाडौं: कृषि विकास बैंकले काठमाडौंको कागेश्वरी मनोहरा नगरपालिकामा नयाँ शाखा खोलेको छ ।

बैंकले कोभिडको बीचमै सामाजिक दूरी कायम राखेर बिहीबार नगरपालिकाको वडा नं. ६ स्थित फूयाल गाउँमा नयाँ शाखा स्थापना गरेको हाे ।यो सहित कृषि विकास बैंकको शाखा र काउण्टर २८० पुगेको छ ।

स्थानीय र बैंक व्यवस्थापनको उपस्थितिमा स्थापना गरिएको नयाँ शाखाको उद्घाटन बैंकका प्रमुख कार्यकारी अधिकृत अनिल कुमार उपाध्ययले गर्नु भएकाे हाे। उद्घाटन कार्यक्रममा कागेश्वरी मनोहरा नगरपालिका प्रमुख कृष्णहरि थापा, काठमाडौं प्रदेश २ ‘ख’ का सदस्य मणिराम फुयाल तथा सोही प्रदेशका कांग्रेस सभापति उपेन्द्र कार्कीको उपस्थिती रहेकाे थियो ।

बैंकका तर्फबाट वागमती प्रदेश क्षेत्रीय निर्देशक तथा प्रदेश प्रमुख सुन्दर प्रसाद खतिवडा, केन्द्रीय कार्यालयका विभागिय प्रमुख अजय कुमार रिमालको उपस्थिति रहेको थियाे ।