अखबार नेपाल ट्रेन्डिङ

काठमाडौं: प्रमुख प्रतिपक्षी दल नेपाली कांग्रेसका सभापति शेरबहादुर देउवाले सरकारलाई घेराबन्दीमा पार्नको लागि कांग्रेस कार्यकर्तालाई आग्रह गरेका छन् ।

नेपाल महिला संघ केन्द्रीय समितिले आज गरेको भर्चुअल कार्यक्रममा सभापति देउवाले कम्युनिष्ट सरकारले राम्रो काम नगरेको भन्दै विरोधका कार्यक्रमहरु गर्न आफ्ना कार्यकर्ताहरुलाई आग्रह गरेका हुन ।

कार्यक्रममा सभापति देउवाले आफ्ना कार्यकर्ताहरुलाई धरपकड गरेको र सरकारले कर्मचारीलाई पनि धम्क्याउने, तर्साउने काम गरिरहेको आरोप लगाए ।

कोरोना भाइरसका कारण अहिले आन्दोलन गर्ने अवस्था नरहेको र यदि यो रोग नभएको भए पहिल्यै आन्दोलन चर्किसक्ने बताउँदै कोरोना भाइरस अलि साम्य भएपछि सरकारलाई चौतर्फी घेरामा पार्नुपर्नेमा जोड दिए ।