अखबार नेपाल ट्रेन्डिङ

काठमाडौं : विश्वव्यापी कोरोना भाईरसले आतंक मच्चाईरहँदा नेपाल पनि त्यसबाट अछुतो रहन सकेन ।

नेपालमा पनि कोरोनाका कारण कोरोना संक्रमणको संख्या घट्नुको सट्टा झन बढ्दो मात्रामा रहेको छ ।

नेपालीहरुको मुख्य चाड दशैं नजिकिदै गर्दा कोरोनाले उग्र रुप लिन थालेको अवस्थामा देशका विभिन्न ठाउँबाट आफ्नो घर जानेहरुमा अर्को समस्या थपिएको थियो ।

त्यो हो घर जानका लागि बस अथवा अन्य सवारी साधनको टिकट खुल्दैन कि भन्ने !

पहिलेको वर्षमा दशैं आउनु एक महिना अगावै टिकट बुकिङ खुल्ला हुने गरेको भए पनि यस पटक कोरोनाका कारण त्यो हुन सकेन ।

टिकट बुकिङ खुल्ने कि नखुल्ने भन्ने दोधारका बीच यही २० गतेदेखि टिकट खोल्नका लागि यातायात व्यवसायीले प्रस्ताव अघि सारेको छ ।

सरकारले भने अहिले नै खुल्ने र नखुल्ने भन्ने निर्णय भने गर्न सकेको छैन । तथापी यातायात विभागले यसमा सहमति गर्ने छनक दिएको छ ।

टिकट बुकिङ खुलेपछि दशैंमा घर जानेहरुले अग्रिम टिकट बुकिङ गर्न सक्ने अवस्था सिर्जना हुने देखिन्छ ।