अखबार नेपाल ट्रेन्डिङ

काठमाडौं: उपत्यकामा ८ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विभिन्न प्रयोगशालामा गरिएको परीक्षणमा थप ८ जनामा कोरोना संक्रमण भएको पुष्टि भएको हो ।

यस्तै आइतबार थप १ सय ३० जनामा कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका प्रवक्ता डा. गौतमका अनुसार नेपालमा कूल संक्रमितको संख्या १८ हजार ६ सय १३ पुगेको छ ।

मुलुकभर सक्रिय संक्रमित ५ हजार ४ सय ४० जना रहेका छन् ।

प्रदेश १ मा १ सय ८६ जना, प्रदेश २ मा १ हजार ८ स य७३ जना, बागमती प्रदेशका ४ सय ४४ जना, गण्डकी प्रदेशमा २ सय ९४ जना, प्रदेश ५ का ३ सय ५८ जना, कर्णाली प्रदेशमा ३ सय ६६ जना र सुदूरपश्चिम प्रदेशमा १ हजार ९ सय १८जना रहेका छन् ।

मन्त्रालयका अनुसार पछिल्लो २४ घन्टामा ७५ जनाले कोरोना जितेर घर फर्किएका छन् । यो सहित कोरोना जित्नेको कुल संख्या १३ हजार १ सय २८ पुगेको छ ।

क्वारेन्टाइनमा रहनेको संख्या १७ हजार ९ सय ३ पुगेको छ । यस्तै मन्त्रालयका अनुसार आइसोलेसनमा ५ हजार ४ सय ४० जनाको उपचार भईरहेको छ ।