अखबार नेपाल ट्रेन्डिङ

काठमाडौं: प्रधानमन्त्री केपी शर्मा ओलीले हिंसात्मक गतिविधिमा संलग्न विप्लब समुहलाई राज्यले नियन्त्रण गरेरै छाड्ने दृढता व्यक्त गर्नुभएको छ । हिउँदै अधिवेशनको अन्तिम दिन आईतबार संघीय संसदमा सम्बोधन गर्दै प्रधानमन्त्री ओलीले लोकतान्त्रिक मुलुकमा अलोकतान्त्रिक गतिविधिमा संलग्न सवै समुहलाई सरकारले नियन्त्रण गर्ने बताउनुभएको हो ।

विप्लब समुहलाई हतियार बुझाएर अवैधानिक गतिविधि त्याग्न अनुरोध गर्दै प्रधानमन्त्रीले त्यसो नभए सरकारले हतियार लिएरै छाड्ने चेतावनी पनि दिनुभयो । प्रधानमन्त्री ओलीले डा. सीके राउत समुहलाई मुलधारको राजनीति स्वीकार्ने वातावरण बनाउनुलाई ऐतिहासिक राजनीतिक उपलव्धी भएको दावी गर्नु भएको छ ।

विकास र समृद्धिको आधार वर्षको रुपमा रहेको यो एकवर्ष ऐतिहासिक र सफल भएको दावी गर्दै प्रधानमन्त्री ओलीले अवको समय यही जगमा उँभिएर महत्वपुर्ण उपलव्धी हासिल गर्दै जाने उद्घोष पनि गर्नुभयो । संसदको हिँउदे अधिवेशन आइतबार सकिएको छ । अव बजेट अधिवेशन सुरु हुनेछ ।