अखबार नेपाल ट्रेन्डिङ

काठमाडौं: सौन्दर्य प्रतियोगिता, महोत्सव, फेशनशो अवार्ड वितरण लगायत विभिन्न विधासँग सम्बन्धित मनोरञ्जनात्मक कार्यक्रम एवं प्रतियोगिताको आयोजक छाता संगठन कार्यक्रम ब्यवस्थापन संघ नेपाल (इमान)को औपचारिक रुपमा शुभारम्भ भएको छ ।

राजधानीमा आयोजित पत्रकार सम्मेलनमा पूर्व पर्यटन तथा संस्कृतीमन्त्री कृपाशुर शेर्पाले संघको औपचारिक शुभारम्भको उदघाटन गरे । संघको औपचारिक शुभारम्भपछि मन्त्री शेर्पाले संघका पदाधिकारी एबं संस्थापक सदस्यहरुलाई प्रमाण-पत्र वितरण गरेका थिए । कार्यक्रमलाई सम्बोधन गर्दै पूर्व मन्त्री शेर्पाले कार्यक्रम ब्यवस्थापन कार्य आफैमा चुनौतीपूर्ण रहेको औल्याउँदै संघले कार्यक्रम ब्यवस्थापनको क्षेत्रमा कृयाशिल आफ्ना सदस्यहरुलाई चुस्त र प्रभावकारी ढंगले कार्यक्रम सम्पन्न गराउन अभिप्रेरित गर्नुपर्ने सुझाए ।

कार्यक्रम ब्यवस्थापन संघ, नेपालका अध्यक्ष लबबहादुर कार्कीले मनोरञ्जन क्षेत्र मध्ये पनि सौन्दर्य प्रतियोगीता, महोत्सव, फेशनशो, अवार्ड वितरण लगायत विविध विधासँगग सम्बन्धित मनोरन्जनात्मक कार्यक्रम एवं प्रतियोगिताले समाज परिर्वतनसँगसँगै देशको समग्र आर्थिक विकासमा टेवा पुर्याउदै आएको बताए ।

कार्यक्रममा नेपाल उद्योग वाणिज्य महासंघ प्रदेश नम्बर ३ सल्लाहकार उज्जवलजंग शाह, ग्लोबल नेपालीज सेफ फेडेरेशनका अध्यक्ष लक्ष्मनप्रसाद भण्डारी, चलचि त्रपत्रकार संघका उपाध्यक्ष गीता अधिकारी लगायतका सञ्चारकर्मीहरुको उपस्थिति थियो ।