अखबार नेपाल ट्रेन्डिङ

काठमाडौं: आइतबार दाङको राप्ती गाउँपालिकामा बिहान साढे ९ बजे र दिउँसोको समयमा दुई वटा सलहको झुन्ड देखिएको सलह सूचना केन्द्रले जनाएको छ ।

यसअघि सलह सूचना केन्द्रले भारतको राजस्थानबाट सलहको झुन्ड नेपाल प्रवेश गर्ने अनुमान गरेको थियो । उक्त अनुमान अनुसार ठूला झुन्ड नेपाल प्रवेश नगरि झुन्डबाट टुक्रिएर एक दुई लाखको संख्यामा नेपाल प्रवेश गरेको केन्द्रले अनुमान गरेको छ ।

दिउँसो देखिएको झुन्ड हाल आकाशतिर उडिरहेको र नियन्त्रणका लागि राप्ती गाउँपालिकाले कृषि विज्ञ टोली पठाएको छ । कृषकहरुलाई सचेत गरेसंगै अहिले मकैबारी र धानखेतमा किसानहरुले भाडाको आवाज र आगो बालेर धुँवा निकाल्ने काम गरिरहेको केन्द्रले जनाएको छ ।