नेपाल-चीन रसुवागढी नाका पुनः सञ्चालनमा आउने
वि.सं.२०७७ असार २१ आइतवार १९:२४
काठमाडौं: नेपाल-चीनबीच व्यापार सुरु गर्ने सुरक्षा मापदण्डमा समझदारी भएसँगै कोरोना भाईरसका कारण ६ महिनादेखि बन्द नेपाल-चीन रसुवागढी नाका सोमबारदेखि खुल्ने निश्चित भएको रसुवागढी भन्सार कार्यालयले जानकारी दिएको छ ।
हिमपात, पहिरो र कोरोना भाईरसका कारण गत पुस १४ देखि बन्द नाका सोमबार बिहान ८ बजेदेखि सञ्चालनमा आउने भएको छ । नाका सञ्चालन प्रोटोकल अनुसार दैनिक ४ वटा चिनियाँ ट्रकले प्रति ट्रक ३० टनका दरले १ सय २० टन सामग्री मितेरी पुलसम्म ल्याइदिने र उक्त सामान पुन लोड गरि नेपालतर्फ ढुवानी गर्न १५ जना चालक र १५ जना लोड गर्ने ब्यक्ति सहित ३० जना नेपाली जनशक्ति परिचालित हुने जनाईएको छ ।
चीनतर्फ पठाइएका सबै जनाको कोरोना पीसीआर परिक्षणमा नतिजा नेगेटिभ आएको र सुरक्षा मापदण्ड अपनाई होटल क्वारेन्टिनमा बसेर काम गर्ने सहमति भएको भन्सार कार्यालयले जनाएको छ ।
वि.सं.२०७७ असार २१ आइतवार १९:२४