अखबार नेपाल ट्रेन्डिङ

काठमाडौं: मुलुकमा मनसुन सक्रिय हुदा विभिन्न भू – भागमा भइरहेको भारी वर्षाका कारण स – सना खोलाखोल्सी तथा ठूला नदिहरुमा पानीको बहाव बढेसँगै विभिन्न ४४ जिल्लामा बाढी, पहिरो र डुबानको जोखिम बढेको छ ।

जल तथा मौसम पूर्वानुमान महाशाखाले बिहान ७ बजे जारी गरेको विवरण अनुसार दिपायलमा ११।१, धनगढीमा ८९।९, वीरेन्द्रनगरमा १।१, नेपालगञ्जमा ५।१, घोराहीमा २५।१, पोखरामा ७५।१, भैरहवामा ३१।३, सिमरामा ६।२, काठमाडौंमा ९।२, ओखलढुंगामा १।२, ताप्लेजुङमा ६।७, धनकुटामा ३।९, विराटनगरमा ४९।९, जोमसोममा १।५, धरानमा ९०।४ र जिरीमा १४।५ मिलिलिटर वर्षा भएको छ । यसैगरि मुलुक भर ९० मिलिलिटरसम्म वर्षा भएको महाशाखाले जनाएको छ ।

महाशाखाले जारी गरेको बाढी पूर्वानुमानको पछिल्लो विवरणका अनुसार प्रदेश २ का सबै ८ जिल्ला, नवलपरासी, रूपन्देही, गुल्मी, कपिलवस्तु, दाङ, रोल्पा, प्यूठान, रूकुम, दैलेख, जाजरकोट, सुर्खेत, बाँके, बर्दिया, कैलाली, डोटी, इलाम, झापा, पाँचथर, ताप्लेजुङ, मोरङ, सुनसरी, उदयपुर, , सिन्धुली, मकवानपुर, काठमाडौँ उपत्यका, काभ्रेपलाञ्चोक, सिन्धुपाल्चोक, नुवाकोट, गोरखा, धादिङ, चितवन तनहुँ, कास्की र लमजुङ र आसपासका जिल्ला बहने केही खोलाहरुमा पानीको बहाव बढ्नाले बाढीको सम्भावना भएकाले सतर्क रहन आह्वान गरेको छ ।