रहेनन् वरिष्ठ गीतकार रत्नशम्शेर थापा
वि.सं.२०७७ जेठ १५ बिहीवार १५:२१
काठमाडौं: वरिष्ठ गीतकार रत्नशम्शेर थापाको उपचारको क्रममा नर्भिक अस्पतालमा निधन भएको छ । ८३ वर्षीय थापाको निधन भएको पारिवारिक श्रोतले पुष्टि गरेको छ । अहिले उहाँकको शव नर्भिक अस्पतालमै रहेको जनाइएको छ । अस्पतालले थापाको कोरोना भाइरसको परीक्षण गरेपछि शव निकाल्ने तयारी भएको जनाइएको छ ।
गीतकार थापाका घुम्तीमा नआऊ है, ए कान्छा ठट्टैमा यो बैंश जान लाग्यो, फूलैफूलको मौसम, जाग लम्क चम्क, विछोडको पीडासहितका गीतहरु चर्चामा रहेका छन् । थापाको जन्म सन् १९३९ मा भएको थियो । उनी देवकोटा साहित्य पुरस्कार, युगकवि सिद्धिचरण काव्य पुरस्कार, मुक्ति पुरस्कार, भीमनिधि राष्ट्रिय प्रतिभा पुरस्कार, छिन्नलता पुरस्कार, रेडियो नेपालबाट सम्मान(गीतमा), लाइफटाइम एचिभमेन्ट अवार्ड लगायतबाट सम्मानित भएका थिए । थापा संगीत रोयल्टी संकलन समितिका संस्थापक अध्यक्ष समेत हुन् ।
वि.सं.२०७७ जेठ १५ बिहीवार १५:२१