अखबार नेपाल ट्रेन्डिङ

काठमाडौं: प्रतिनिधिसभा बैठक आज बस्दै छ । दिउँसो १ बजे बस्ने बैठकमा अर्थमन्त्री डा. युवराज खतिवडाले आर्थिक वर्ष २०७६/७७ को आर्थिक सर्वेक्षण प्रस्तुत गर्ने संसद सचिवालयको कार्यसूची छ ।

आर्थिक सर्वेक्षण पेश भएको पर्सिपल्ट नयाँ आर्थिक वर्ष २०७७/७८ को बजेट संसदमा प्रस्तुत हुनेछ । हरेक वर्ष जेठ १५ गते बजेट ल्याउने संवैधानिक व्यवस्था छ ।

आजको बैठकमा संविधान संशोधन विधेयक पनि पेश हुने सम्भावना छ । लिम्पियाधुरा, कालापानी, लिपुलेक लगायतका भू-भाग समेटिएको नेपालको नयाँ नक्सा जारी भएपछि संविधान संशोधन गर्न लागिएको हो । त्यसैले संविधान संशोधन विधेयक यही जेठ ९ गते ३ बजे संसद सचिवालयमा दर्ता गरिएको थियो । जेठ ९ गते दर्ता भएकाले मंगलबार जेठ १३ गते पाँच दिन पुग्छ ।