अखबार नेपाल ट्रेन्डिङ

काठमाडौं: कालिमाटीमा कार्यरत प्रहरीमा कोरोना भाइरस संक्रमण पुष्टि भएपछि उनको निवास काठमाडौं महानगरपालिका-१० नयाँबानेश्वरका तीन घर सिल गरिएको छ । नयाँबानेश्वरस्थित भरोसा अस्पताल पछाडि रहेका त्यस क्षेत्रका तीन घर सिल गरी ट्रेसिङ भइरहेको वडा सदस्य नरोज अर्यालले जानकारी दिएका छन् ।

ट्रेसिङ गरिएकाको एक हप्तापछि मात्र स्वाब सङ्कलन गरिने भएको छ । संक्रमितको सम्पर्कमा आएका मानिसमा कम्तीमा सात दिनपछि मात्र लक्षण देखिने भएकाले समय लिएर स्वाब संकलन गर्ने गरिएको जनाइएको छ । कोरोनाको संक्रमणबाट बच्न जारी बन्दाबन्दीका बेला वडाले अत्यावश्यक सेवाका ढल, खानेपानीलगायत समस्या समाधानलाई निरन्तरता दिएको वडा कार्यालयले जनाएको छ ।