अखबार नेपाल ट्रेन्डिङ

काठमाडौं: प्रमुख प्रतिपक्षी दल नेकपा (एमाले)का अध्यक्ष केपी शर्मा ओलीले कमल थापासँग नजिकिएपछि राजेन्द्र लिङ्देन ओलीसँग रिसाएका छन् ।

लिङ्देनले आफ्नो  प्रतिद्वन्दी थापासँग ओली नजिक भएपछि ओलीलाई रेडकार्ड देखाउँदै सहकार्य तोडेका छन् ।

लिङ्देन र ओलीबीच दमक महानगरपालिकामा सहकार्य गरेर अगाडी बढ्ने बचनबद्धता गरेका थिए ।

उनीहरुबीच स्थानीय तहको निर्वाचनमा एमालेलाई सघाएमा प्रदेशको निर्वाचनमा एमालेले राप्रपालाई सघाउने भद्र सहमति भएको थियो ।

ओलीकै गृह नगरमा मेयर अर्को दललाई दिने हो भने राम्रो सन्देश नजाने भन्दै एमालेले दमकमा राप्रपालाई साथ दिन इन्कार गरेको बुझिएको छ ।

तर, अहिले राप्रपासँग तालमेलको सम्भावना टरेपछि एमालेले उपमेयर गीता अधिकारीसहित ३ जनाको मेयरको उम्मदेवारका रुपमा सिफारिस गरेको छ ।

एमालेले कमल थापा नेतृत्वको राप्रपासँग एउटै चुनाव चिन्हमा लड्नेगरी सहकार्य गरेपछि लिङ्देन आगो भएको बताईन्छ  ।

सोही कारण लिङ्देनले दमकको  मेयरमा राम थापालाई  उम्मेदवार बनाउने घोषणा गरेको छ । हिजो मात्रै दमकमा शक्ति प्रदर्शन गर्दै थापालाई मेयरमा उठाउने निर्णय गरेको हो ।